chatting

"البت اللي اسمها "مكشوفة
كل عشر دقايق تكتب ستاتيو جديدة علي الفيس بوك
مرات كتيرة عن كمية احباط وزهق ونظام جيبان أخر
بأساليب كتير جدا
ولما تركز في موضوع تاني
توجهة رسالة لناس مثلا في حياتها
بكل الأساليب واللغات
وأجمد زفت وأحلي مش عارف هباب
الجديد بقالها تلات أسابيع داخلة في مود حب
أنا اقدر أقولك كل تفاصيل ترددها وأسباب خوفها وتفكيرها ووصلت لأيه و فين وإمتي استسلمت وهو انسان صفاتة إيه وكل حاجة من اللي بتكتبة كل شويه
وكل أصحابها تعليقات في منتهي السخافه والهبل
والبت اللي اسمها"أم العريف التقيلة " صاحبتها
صباح السماجه في الردود العلنيه الرخمه المستمره
ياريته مثلا مره وبيكشفوا بيه حاجه بلذاذه وخلصت
لا حاجه تقرف
والله انا بفكر اعملها ديليت
من الفيس بوك
رحمه ورأفه بحالي

...........

انا بقيت بكرها وبكره مدونتها
وكل اللي بيردوا عليها
وكل أمثالها
وكله كوم والناس اللي شغالة تعليق بالعافية علي كل حاجه واي حاجه
وفي ساعتها كوم تاني

قاعدين يلقطوا أي حد يكتب أي حاجة بشكل مستفز

!!سباق مثلا
كأنهم قاعدين بيشتغلو موظفين بمرتب للرد علي ستاتيوس الناس
مشاغلين رداده بالكهربا
دعوات دعوات
ربنا يكرمك
ربنا يرحمك
ربنا يهديكي
وحسنه قليله تمنع بلاوي كتيره

.................

بصي
اقسم بالله العظيم
أنا معظم الناس اللي حواليا وصلوني اني بقيت بحس اني انا اللي غبيه
وحماره
ومعقده
ومزوداها
ومكبراها
ومش فاهمه الحياه
متكلفه
مغرورة
بحسبها زيادة عن اللزوم
ومش بسيطه كدا وعلي طبيعتي زي أمثالهم المفروض
وكل الصفات الوحشه اللي في الحياه
ده انا علي الفيس بوك
بقالي خمس شهور عايزه اكتب جمله ومخدتش القرار

...............

واكيد لفت نظرك بردو
ان الإتجاهات اللي انت بتكتبي فيها شوفي بتلفت نظر كام وبتدفعهم انهم يردو
في حين شوفي كل اللي حواليكي نوعيه اللي بيكتبوه ايه وبيرد كام حد علي اقل واوسخ حاجه كاتبينها !!
في حين ان نوتس بتاعتك بتدي سبيس اكتر للنقاش او التعليق

يعني المنطقي أن الناس تتفاعل معاكي

في حاجة تسمح بالتفاعل
هقولك
يترد بنفس الكلام التافهه بتاعهم يا ستي
حلو
كويس
بس دا ولا حتي الهوا

مش بالكثرة
انا مستوعبة قصدك تماما
خاصة ان اللي بنتكلم عنهم دول جيلنا
واحنا مش اللي خلاص عجزنا بقى وزهدنا الدنيا, احنا حقنا بردو نلفت الانتباه
بس هقتبس محتوى كلامك ليا مرة
لما قلتلي فيما معناه الفكرة مش باللي بيسلم الأول
يعني احنا مؤمنين بحاجة, وبنكتبها بثبات, وبندرة
بنتضايق اه لانك بتبقى عايزة ريسبونس , ورد
بس احنا بردو لم نحيد عن موقفنا , وهو دا اللي اسمه الثبات
الناس تقريبا اتجننت في مخها , او عاملين زي السكرانين, قاعدين يتطوحوا وهما متخيلين انهم بيرقصوا برشاقة

ما انا معاكي والله انه مش بالكثره اكيد ولا بالضمة ولا حتي الفتحة
بس انا بقولك لو بمقارنه بالعين كدا
الناس اللي ليها في انها ترد علي حاجه غيرها, بالفعل موجودين
موجودين وبيردوا
مش بيزهقوا
بمش بيستهزئوا بفكره الرد والمتابعه
وفي حاجات تافهه جدا وكدا كدا مش ملزومين يردوا

مقارنتك صح وموضوعية

تحسي ان علشان تلاقي حد يستوعب,حاله نادره جدا
بس مش احنا المعقدين
هما اللي سطحيين
يعني نوت "رائعة" بتاعتك
"مروشه" دخلت قالت حلوه اوي
"هادي" دخل نفس الكلام
ممكن يكون الكلام مسهم اكتر من مجرد حلوه
بس دخلو عبروا عن احساسهم
وكلا بطريقته

فاكرة لما قلتلك الناس بتكسل تقرأ
اول ما بتلاقيه طويل مش بتحب تقراه
هو دا جيل تامر حسني والله
أغنية سريعة لمدة دقيقتين, يتكلم فيها عن العين والشفة والرشاقة وخلصت
ماحدس عنده خنق
بنفس الفكرة
ماحدش هيدخل يقرا نوت بتاعة حد ويعلق كمان
لكن الناس ممكن تدخل تقرا ستاتيوس , وتحط كلمتين وخلصت بردو

ماشي
طيب انا بقرا ستاتيوس لناس كتيييير وعمري ما فكرت ادخل اعلق
سواء بهزار
او بجد
او اي شئ
عارفه
هي فعلا كسل
الناس مبقتش ذواقه
مش هيدوروا ولا هيسعوا انهم يقروا حاجه طويلة
لكن اللي بيحب القراية ممكن يفرح لو قابله حاجه يبص عليها بس ولو من اولها سريعا ولو عجبته وتذوقها ممكن يكملها


دي حقيقة, خاصة ان الحاجة الحلوة بتشد من اول حرف
من اول نظرة

أنا هقوم أنام بقي وإبقي أدخلي بصي بصه علي البوست الجديد بتاعي

ما أنا بصيت وعجبني أوي بس كسلت أعلق

هههههههه