مشهد

ترن ترن
ترن ترن
دي نمرته
ايوه هي نمرته
نمرته
طيب اعمل ايه
اروح فين
مش هرد
ايوه مش هرد
حبيبته:ايوه؟
هو:وحشتيني
........:حبيبته

هو:بجد وحشتيني...ارجوكي سامحيني انا هنا خلاص وعمرنا ما هنسيب بعض تاني ابدا
...........:حبيبته

هو:انا عارفه وواثق انك هتسامحيني,طول عمرك كنت احن علي حتي من قلب امي.طول عمرك كنت بتسامحيني اول ما بتشوفيني جايلك وانا مليان ندم
..............:حبيبته

هو:عارفه,طول وانا وبعيد مكنتش بفكر غير في اللحظه اللي هكلمك فيها اول ما ارجع وتاني يوم اللي هيبقي فرحنا,وولادنا بقولك ايه انا عايز اولاد كتير كل سنه نجيب طفل وكلهم هسميهم بإسمك حتي لو ولد,,انا عايز ابقي في كل وقت وكل مكان اسمك علي لساني
.................:حبيبته
هو:انت مش بتردي ليه
حبيبته:عايزني في البيت,انا هقفل مع السلامه
هو؟ماما,يااااااه بجد سلميلي عليها والله وحشتني جدا عرفيها اني هاجي مخصوص بكره عندكم علشان اسلم عليها
.............:حبيبته

هو:انت زعلتي؟لا متزعليش يا قمر انا هاجي عندكم مخصوص علشان اشكرها انها جابت للدنيا احلي وارق انسانه
حبيبته:انا مامتي توفت من تلات سنين بعد لما سبتني بإسبوع واحد
...................:هو
هو:انا اسف,اسف بجد اني مكنتش معاكي.اسف ,,كان لازم ابقي معاكي ومسبكيش لوحدك في ظروف زي دي,انا اسف
حبيبته:انا لازم اقفل
هو:طيب ماشي,بس زي ما اتفقنا انا لازم اشوفك بكره ان شاء الله.اه صحيح امال مين اللي عايزك؟ انت مكنتيش عايشه غير مع مامتك الله يرحمها
حبيبته:دا ابني
.................:هو
هي:انا عايشه انا وهو لوحدنا بعد ما ابوه مات بعد لما سبتني انت بسنتين
.....................:هو

هي:انا لازم اقفل ,دا معاد اكله
..................:هو

هي:مع السلامه,أه...ومتتكلمش هنا تاني
....................:هو